Өскемен мен ШҚО Өскемендегі түзету мекемесінің қызметкерлері 6 млн теңгеге жуық қаражат жымқырған
ШҚО қылмыстық-атқару жүйесі департаментінің екі қызметкері 5,8 млн теңгені жымқырған
Өскемен қаласының соты облыстық Қылмыстық-атқару жүйесі департаменті қызметкерлеріне қатысты үкімді жариялады, деп хабарлайды Устинка LIVE тілшісі.
№17 мекеме бастығының бұрынғы орынбасары мен аға инспектор жылжымайтын мүліктің жоқтығы туралы тұрғын үй комиссиясына әдейі жалған мәліметтер беру арқылы 5,8 млн теңге көлеміндегі қаражатты ұрлағаны үшін кінәлі деп танылды, - деп мәлімдеді Сыбайлас жемқорлыққа қарсы іс-қимыл агенттігі. - Оларға 3 жыл 6 ай мерзімге бас бостандығынан айыру және мемлекеттік қызмет пен квазимемлекеттік секторда лауазым атқару құқығынан өмір бойына айыру жазасы тағайындалды.
Сотталғандар әділет майоры мен лейтенанты арнайы атақтарынан айырылды.
Сот үкімі заңды күшіне енді.