Өскемен мен ШҚО Өскеменде көкөністер бағасын тұрақтандыру маусымы басталды
Картоп, сәбіз, қырыққабат пен пияз бағасы 1 қарашадан тұрақты болады
"Ертіс" әлеуметтік-кәсіпкерлік корпорациясы" АҚ баға тұрақтандыру бағдарламасы аясында әлеуметтік маңызды азық-түлік тауарлары қатарындағы 4 түрлі көкөніс бағасын тұрақтандыруды қараша айынан қайта бастады, деп хабарлайды Устинка LIVE тілшісі.
1 қарашадан бастап әлеуметтік маңызды азық-түліктер қатарындағы көкөністердің бағасын тұрақтандыру аясында картоп 115 тг/кг, сәбіз 115 тг/кг, қырыққабат 115 тг/кг, пияз 120 тг/кг сатылмақ.
Баға тұрақтандыру бағдарламасы шеңберінде жұмыс жасайтын 24 сауда павильоны бар. Әлеуметтік маңызы бар азық-түлік тауарларын үстеме бағасыз сатуға 26 кәсіпкермен меморандум жасалды, олардың қатарын арттыру бағытында жұмыстар үздіксіз жалғасуда. Аталған 24 павильонның 8-і бойынша мемлекеттік реестр арқылы ашық конкурс өткізілуде. Павильондарды жалға алғысы келетін кәсіпкерлердің барлығы конкурсқа қатыса алады, - деп мәлімдеді "Ертіс" әлеуметтік-кәсіпкерлік корпорациясы" АҚ.