Өскеменде Күршім ауданының мәдени күндері өтеді

Ертең аудан өнерпаздарының гала-концерті, шеберлердің көрмесі ұйымдастырылса, сенбі күні ауыл шаруашылық жәрмеңкесі жоспарланған, деп хабарлайды Устинка LIVE тілшісі.

1 қараша күні сағат 18.00-де "Ертіс" концерт залында Күршім, Марқакөл аудандары өнерпаздарының гала-концерті өтеді. Сонымен қатар, қала тұрғындары мен қонақтарына қолөнер шеберлерінің көрмесі ұсынылады.

2 қараша күні сағат 8.00-ден бастап Жібек жолы даңғылы, 44 мекенжайында орналасқан "Алтай" жаңа көтерме-бөлшек сауда орталығының аумағында Күршім, Марқакөл аудандарының ауыл шаруашылығы өнімдерінің жәрмеңкесі өтеді.