Өскемен мен ШҚО ШҚО тұрғындары қант үшін 30 миллион теңге ақшасынан қағылған
Өскеменде тәртіп сақшылары алаяқтық жасады деген күдікпен 31 жастағы азаматшаны ұстады
Фото:
Устинка LIVE
Оның үстінен полицияға облыстың 19 тұрғыны арыз жазған, деп хабарлайды Устинка LIVE тілшісі ШҚО ПД ақпаратына сүйеніп.
Күдікті азаматша тұрғындарға қант жеткізіп беруге уәде беріп, ақшаны алғаннан кейін жоғалып кеткен. Жалпы шығын шамамен 30 миллион теңгені құрайды.
Алаяқтық фактілері бойынша қылмыстық іс қозғалды, аталған адамның бұрын ашылмаған қылмыстарға қатысы анықталуда. Сот күдіктіге үй қамағы түріндегі процестік мәжбүрлеу шарасын қолданды, - деп хабарлайды ШҚО ПД баспасөз қызметі. – Сіз немесе сіздің жақындарыңыз осындай қылмыстық әрекеттерден зардап шеккен жағдайда дереу "102" арнасына хабарласуды сұраймыз.
