Өскемен мен ШҚО Өз пәтеріңізде тіркеуде тұрған басқа адамды қалай шығаруға болады?
"Азаматтарға арналған үкімет" МК ШҚОФ пәтер иелеріне басқа адамды тіркеуден қалай шығаруға болатынын еске салды
Тіркеуден электронды үкімет порталы, екінші деңгейлі банктердің өтініштері арқылы, сондай-ақ Халыққа қызмет көрсету орталығына келіп шығаруға болады, деп хабарлайды Устинка LIVE тілшісі.
Халыққа қызмет көрсету орталығы арқылы тіркеуден шығарған жағдайда, тұрғын үй иесінің жеке куәлігі қажет. Осылайша, ХҚКО операторы Тұрғын үй иесін сәйкестендіре алады. Бұдан әрі көрсетілетін қызметті алушы тіркеуден шығарылуға жататын тұрғынның деректерін көрсете отырып, тіркеуден шығару туралы еркін нысанда өтініш жазуы қажет. 30 минут ішінде тіркеуден шығарылады, - деп еске салады "Азаматтарға арналған үкімет" МК ШҚОФ.
Естеріңізге сала кетейік, көрсетілетін қызметті алушы халыққа қызмет көрсету орталығына бару уақытын "ХҚКО" мобильдік қосымшасы арқылы брондай алады. Оны Google Play және App Store қосымшасынан жүктеуге болады. Қосымша арқылы электрондық кезек талонын алуға, қызығушылық танытқан ХҚКО-ның орналасқан жерін табуға және өзекті мәселелермен танысуға болатындығын атап өтеміз.