Өскемен мен ШҚО Өскемендегі Гоголь көшесіне жарық бағандары орнатылып жатыр
Бұрын бұл көшеде жарық мүлде болмаған
Ал бұл көшеде ерекше білім беруді қажет ететін балаларға арналған арнайы мектеп барын ескерсек, көше шамдары болуы міндетті, деп хабарлайды Устинка LIVE тілшісі.
Оқушылардың ата-аналары әсіресе биыл уақыт белдеуі өзгергеннен кейін дабыл қаға бастаған. Екінші ауысымда оқитын балалар сабақтан шыққанша дала тас қараңғы. Жергілікті тұрғындар мен көлік жүргізушілері де бұл көшеге жарық шамдарын орнату қажеттігін айтып жүрді.
Жарық бағандарын орнату жұмыстары дүйсенбі, 28 қазаннан басталған. Жолдың оң жағындағы жұмыстар аяқталып, енді мердігер жолдың сол жағына бағандар орната бастайды. Шамдар әлі ілінген жоқ.
Өкінішке қарай, Өскемен қалалық ТҮКШ бөлімі жұмыстардың нақты қашан аяқталатыны туралы ақпарат берген жоқ.
