Өскемен мен ШҚО Өскеменде Риддер қаласының мәдени күндері өтеді
Риддерлік өнерпаздар концерт қойып, кәсіпкерлері ауыл шаруашылығы өнімдерін ұсынады
Сондай-ақ, Риддер қаласы әкімінің жүлдесіне садақ атудан жарыс өтеді, деп хабарлайды Устинка LIVE тілшісі.
18 қазан сағат 18.00-де облыстық филармония сахнасында «Туған жер - алтын бесігім» жобасы аясында Риддер қаласының шығармашылық ұжымдарының гала концерті өтеді, - деп хабарлады Риддер қаласының әкімдігі. - Кеш аясында Риддер қаласының халық шығармашылығы көрмесі ұйымдастырылады.
Ал 19 қазан күні сағат 7.00де Жібек жолы даңғылы, 44 мекенжайында орналасқан Шығыс –Алтай сауда орталығы алаңында Риддер қаласының ауылшаруашылығы өнімдерінің жәрмеңкесі басталады. Мұнда өскемендіктер мен қала қонақтары қол күрес, арқан тарту, гір көтеруден сайыстар мен көркем өнерпаздар концертін тамашалай алады.
Сағат 11.00-де Ольга Рыпакова атындағы Шығыс Қазақстан облыстық жеңіл атлетика орталығында садақ атудан Риддер қаласы әкімінің кубогы өтеді. Жүлде қоры - 600 000 теңге, - деп хабарлады Риддер қаласының әкімдігі.