Өскемен мен ШҚО "Отырар сазы" оркестрі Өскеменге келеді
Өскемен қаласы әкімдігінің қолдауымен Республика күніне орай облыс орталығына "Отырар сазы" оркестрі келеді
Кеште ұлттық музыкамыздан бөлек, әлемдік хиттер де орындалмақ, деп хабарлайды Устинка LIVE тілшісі.
Қазақ күй өнерінің шебері Нұрғиса Тілендиев өзі құрған мемлекеттік академиялық фольклорлық-этнографиялық халық аспаптары оркестрінің концерті ШҚО филармониясының көрермендер залында 26 қазан күні сағат 15.00-де өтеді.
Оркестрдің көркемдік жетекшісі және бас дирижері - Қазақстанның еңбек сіңірген қайраткері Дінзухра Тілендиева, сонымен қатар Қазақстанның еңбек сіңірген әртісі, "Құрмет" орденінің кавалері Жалғасбек Бегендіков дирижерлік етеді, солистер Мәдениет саласының үздігі Абай Койшыбаев, халықаралық байқаулардың лауреаттары: Фархат Кубиев, Жұлдыз Байжұма, Толғанай Пазылақын, Нұрғалым Аманбай, Ерназар Жұбан өнер көрсетеді.
Ескере кеткен жөн, концертке кіру тегін.
