Өскемен мен ШҚО ШҚО-да ауыл шаруашылығы үшін жер қалай беріледі?
Шығыс Қазақстан облысының жер аумағы 9785,9 мың гектарды құрайды
Оның ішінде ауыл шаруашылығы мақсатындағы жердің көлемі 3473,5 мың гектар, деп хабарлайды Устинка LIVE тілшісі.
Қазақстан Республикасының Жер кодексінде көзделген ерекше жағдайлардан басқа, ауыл шаруашылығы мақсатындағы жер учаскелері екі тәсілмен беріледі: конкурстық негізде және сауда-саттықсыз.
Ағымдағы жылы конкурстық негізде жалпы ауданы 21,4 мың гектар болатын 143 жер телімі бөлінді. Конкурс заңнамаға сәйкес өткізіледі, ал жеңімпаздарды жер комиссиясы өтінімдерге берілетін балдар негізінде анықтайды, - деді ШҚО Жер қатынастары басқармасының басшысы Надежда Михейлис.
Сауда-саттықсыз инвестициялық жобаларды жүзеге асыру үшін немесе бау-бақша және шөп шабу сияқты халықтың қажеттіліктері үшін жер бөлінуі мүмкін. Көгалдандыруға арналған жерлер бір жылға дейінгі мерзімде өтеусіз негізде беріледі.
Осы жылдың маңызды жаңалықтарының бірі - жер иелену құқығын қажет етпейтін жергілікті тұрғындардың мал жаюына рұқсат етілген қоғамдық жайылымдардың пайда болуы.
