ШҚО-да алдағы күндері ауа райы жылы болады

Алайда түн суық болмақ, деп хабарлайды Устинка LIVE тілшісі.

5-6 қазанда елдің солтүстік және шығыс аймақтарында скандинавиялық антициклонның әсерінен ауа райы құрғақ және шуақты болады. Күндіз батыста 23-30 градусқа дейін ыстық болса, солтүстік пен шығыста 15-23 градус жылы болады. Алайда түнгі уақытта сынап бағанасы минусқа дейін төмендейді. 7 қазанға қарай солтүстік пен шығысқа суық атмосфералық фронттың жаңбыр бұлттары жылжи бастайды. Жаңбыр жауып, жел күшейіп, күн суытады, - деп мәлімдеді "Қазгидромет" РМК.

Ал еліміздің оңтүстігі мен орталығында 5-7 қазан аралығында атмосфералық фронттардың әсерінен жаңбыр жауады. 6-7 қазан күндері таулы аймақтарда жаңбыр жауады, найзағай ойнайды, жел күшейіп, түнде және таңертең тұман күтіледі.