Өскемен мен ШҚО Өскемен қаласында терроризмге қарсы оқу-жаттығу өтеді
Оқу-жаттығу жұмыстары облыс орталығында ертең, 25 қыркүйекте, жүргізіледі
Фото:
Терроризмге қарсы күрес жөніндегі Шығыс Қазақстан облыстық жедел штабы
Жаттығу барысында автожолдарды жабу сынды шектеу шаралары болуы мүмкін, деп хабарлайды Устинка LIVE тілшісі.
Оқу-жаттығу барысында террористік тұрғыдан осал объектілердегі ахуалды дамытудың әртүрлі сценарийлеріне жедел ден қою мәселелері пысықталатын болады, - деп хабарлады Терроризмге қарсы күрес жөніндегі Шығыс Қазақстан облыстық жедел штабы. - Осы мақсатта белгілі бір шектеу шаралары, оның ішінде автокөлік қозғалысын жабу бойынша шаралар қарастырылған.
Қала тұрғындары мен қонақтарынан осы іс-шараға түсіністікпен қарауды, қауіпсіздік шараларын сақтауды және тартылған мемлекеттік органдардың заңды талаптарын орындауды сұрайды.