Өскемен мен ШҚО Өскемендегі оқушылар өрт сөндірушілердің жұмысымен танысты
Құтқарушылар күні қарсаңында оқушыларға ШҚО ТЖД өрт сөндіру бөлімдерінде экскурсиялар басталды
Өрт сөндіру бөліміне Өскемен қаласының №17 мектебінің оқушылары келді, деп хабарлайды Устинка LIVE тілшісі.
Оқушалр өрт сөндіру машиналарын көріп, авариялық-құтқару жабдықтарымен танысты. Құтқарушылардың формасын киіп, өрт сөндіру көлігінің кабинасына отыруға мүмкіндік алды.
Балаларға отрядтың қолында бар техника, олардың қалай жұмыс істейтіні, немен жабдықталғаны туралы айтылды. Департамент қызметкерлері өрт сөндірушілердің төтенше жағдайларға қалай шығатынын, қызықты да қиын қызмет туралы, өртті сөндіру, адамдар мен жануарларды құтқару кезіндегі түрлі жағдайлар туралы айтып берді, - деп хабарлады ШҚО ТЖД баспасөз қызметі.
Мұндай танымдық іс-шаралар балаларға қауіпсіздік ережелерін еске салып, төтенше жағдайда дұрыс әрекет етуге баулиды.
