Өскемен мен ШҚО Ұлан ауданында “Шығыс Салбұрыны” фестивалі өтеді
Халықаралық фестиваль қазан айына жоспарланған
Оған бес елдің құсбегілері қатысады деп жоспарлануда, деп хабарлайды Устинка LIVE тілшісі.
Ұлан аудандық мәдениет бөлімі ұсынған ақпаратқа сүйенсек, фестивальда Қытай , Моңғолия, Ресей, Қырғызстан мен Түркіменстанның құсбегілері қатысады.
10-14 қазан күндері Шығыс Қазақстан облысы, Ұлан ауданы, Бозанбай ауылының Бүркіт төбе алаңында өтетін халықаралық “Шығыс Салбұрыны” фестивалі өтеді.
Бес елдің құсбегілері қатысатын бұл шарада қыран сайысы, тазы жарысы, асау үйрету, жамбы ату, теңге ілу және басқа да ұлттық ойындар өтеді.
ҚР Туризм және спорт министрлігі, "Құсбегілік" республикалық федерациясы, ҚР Ұлттық спорт қауымдастығы қолдауымен ұйымдастырылатын турнирдің жалпы жүлде қоры 3 млн теңгеден асады. Сонымен қатар, ойынды жергілікті демеушілер де қолдайды.