Өскемен мен ШҚО Өскеменде әйел дәрігеріне бір күнде жүзге жуық адам тегін қаралды
ШҚО көпсалалы Онкология және хирургия орталығында гинекологиялық обырды ерте диагностикалау және алдын алу бойынша Ашық есік күні өтті
Ашық есік күні Шығыс Қазақстан облысының 75 тұрғыны дәрігердің жолдамасынсыз және МӘМС жүйесіндегі мәртебесіне қарамастан онкологиялық орталық мамандарының кеңесін алды, деп хабарлайды Устинка LIVE тілшісі.
Гинекологиялық обыр - жатыр мойны обыры, жатыр денесінің обыры, аналық без обыры, сыртқы жыныс мүшелері сияқты ауруларды қамтитын қатерлі ісіктер тобы. Дәрігер тексеру кезінде, сондай-ақ ультрадыбыстық зерттеу нәтижелерін зерттеген кезде көбінесе патологиялық ауруларды анықтауы мүмкін. Сондықтан әйелдерге гинекологқа жиі, жылына кемінде бір рет қаралу ұсынылады.
Дәрігерлер Ашық есік күніне келушілерден онкоцитологияға жағынды алды. Бұл зерттеу жатыр мойнының қалыптан тыс жасушаларын анықтауға мүмкіндік береді. Орталық мамандары облыс тұрғындарына скринингтен тұрақты түрде өтіп отыру қажеттігін еске салды, онкологиялық сақтық туралы, денсаулықты сақтау бойынша ұсыныстар айтты, - деп хабарлады орталықтың баспасөз қызметі.
Ашық есік күндері дәстүрлі түрде демалыс күндері өтеді. Бұл көптеген адамдардың дәрігерге қаралуына мүмкіндік жасайды.
