Өскемен мен ШҚО ШҚО тұрғыны алаяққа жарты миллион теңгесін ұстатып жіберген
Қолжетімді бағада пәтер алғысы келген облыс тұрғыны қомақты ақшасынан айырылды
Оны алдаған адам көп ұзамай қолға түсті, деп хабарлайды Устинка LIVE тілшісі ШҚО ПД ақпаратына сүйеніп.
Өскемен Полиция басқармасына облыс тұрғыны белгілі бір азамат оған қолжетімді бағада пәтер алуға көмектесемін деп, нәтижесінде ақшасын алып із-түзсіз жоғалып кеткені туралы арызбен жүгінген.
Ол жәбірленушілердің сеніміне кіріп, қызметі үшін 500 000 теңге сұраған. Бірақ ақшаны алған бойда хабарсыз, із-түссіз жоғалып кеткен, - деп мәлімдеді ШҚО ПД баспасөз қызметі. - Жедел іздестіру іс-шаралары барысында полицейлер 39 жастағы ер адамды анықтап, ұстаған. Ол бұрын бірнеше рет сотталған Өскемен қаласының тұрғыны болып шықты. Ер адам кінәсін өз еркімен мойындады.
Алаяқтық фактісі бойынша сотқа дейінгі тергеу амалдары басталып, күдікті уақытша ұстау изоляторына қамалды.