Өскемен мен ШҚО ШҚО әкімінің кеңесшісі тағайындалды
Шығыс Қазақстан облысы әкімінің кеңесшісі қызметін Әлішер Сүлейменов атқарады
Ол Бүкілресейлік мемлекеттік кинематография институтын бітірген, деп хабарлайды Устинка LIVE тілшісі.
Әлішер Асқарұлы 1965 жылы 5 қыркүйекте Алматы қаласында дүниеге келген. Мәскеу қаласындағы А.С. Герасимов атындағы Бүкілресейлік мемлекеттік кинематография институтын бітірген.
Бұған дейін «Қазақфильм» республикалық шығармашылық өндірістік бірлестігінің бас редакторы, «Хабар Агенттігі» АҚ бас редакторы, «Хабар Агенттігі» АҚ бас продюсері, ЖАҚ«ҚазТрансОйл» қоғаммен байланыс департаментінің директоры қызметтерін атқарған. Сонымен қатар «Отан» республикалық саяси партиясы баспасөз қызметінің басшысы, «ҚазМұнайГаз» қоғаммен байланыс департаментінің директоры, Қазақстан Республикасы Орталық сайлау комиссиясы төрағасының кеңесшісі,ЖШС «NS-Радио-Ұлттық желі» телерадиокомпаниясының бас директорының бірінші орынбасары, «Astar Film» кинокомпаниясының бас директоры, Қазақстан Республикасы Қорғаныс министрінің кеңесшісі болып жұмыс істеген.
