Әлем Ресей Президенті дос емес елдерге қарсы бірқатар экономикалық санкциялар енгізді
Кейбір тұлғалар мен компанияларға қатысты жаңа ұйғарымдар олармен жасалатын мәмілелерді шектейді және шикізат пен тауарларды елден әкетуге тыйым салады
Ресей президенті Владимир Путин кейбір шет мемлекеттердің әрекеттеріне қарсы санкциялар енгізу туралы Жарлыққа қол қойды, деп хабарлайды РИА жаңалықтар сайты.
Осы Жарлық күшіне енген күннен бастап жекелеген заңды тұлғаларға, жеке тұлғаларға және олардың бақылауындағы ұйымдарға қатысты арнайы экономикалық шаралар қолданылады, - делінген құжатта.
Жарлық мәмілелерді тоқтатады және жауап санкцияларына ұшыраған шетелдік жеке және заңды тұлғалар алдындағы міндеттемелерді орындамауға мүмкіндік береді, сондай-ақ шикізат пен тауарларды олардың пайдасына елден әкетуге тыйым салады.
Ресей Федерациясының Үкіметі 10 күн ішінде санкцияларға ұшыраған адамдар мен компаниялардың тізімін жасайды, құжаттың өзі жарияланған сәттен бастап күшіне енеді және Санкциялар жойылғанға дейін әрекет етеді.
