Талибандар * Қытай Ауғанстанның негізгі серіктесі екенін айтты

Ауғанстанда билікке келген "Талибан" қозғалысы (Қазақстанда, Ресейде және басқа да бірқатар елдерде тыйым салынған) Қытайды негізгі халықаралық серіктес ретінде қарастырады, деді қозғалыс өкілі Забиулла мужахид. 

- Қытай - біздің басты серіктесіміз, ол біз үшін керекті және ерекше мүмкіндікті ұсынады, өйткені ол біздің елге инвестиция салуға және оны қайта құруға дайын, - деді ол итальяндық La Repubblica газетіне берген сұхбатында.

Забиулла Мужахид Бейжің жүзеге асырып жатқан "Бір белдеу, бір жол" бағдарламасына жоғары баға беріп, оның "ежелгі Жібек жолын жаңғыртуға қызмет ететінін"атап өтті.

Ол сондай-ақ Қытай Ауғанстанның тау-кен өндірісін қалпына келтіруге ықпал етеді деген үмітін білдірді.

- Сонымен қатар, бізде бай мыс кеніштері бар, оларды қытайлықтардың арқасында өндіріске қайтаруға және жаңартуға болады, - деді Талибан өкілі*.