Әлем КХДР өзінің ғарыш айлағында маңызды сынақ өткізді
Жексенбі күні Кореяның орталық телеграф агенттігі (КОТА) берген мәліметтер бойынша сынақ сәтті аяқталды
КОТА хабарламасында Сохэ ғарыш айлағында 2019 жылғы 7 желтоқсан күнінің екінші жартысында сынау жүзеге асырылды делінген.
Сондай-ақ, Ұлттық қорғаныс академиясы Кореяның Еңбек партиясына (КЕП) сынақ сәтті өткендігі туралы ақпарат берді.
- Таяудағы маңызды сынақтың нәтижелері алдағы уақытта КХДР стратегиялық жағдайының өзгеруіне тағы да елеулі әсер етеді, - делінген хабарламада.
Агенттік, алайда, толық ақпарат берген жоқ.
Бұған дейін хабарланғандай, спутниктік суреттер Солтүстік Корея Сохэ полигонында зымыран қозғалтқыштарын сынауды қайта бастауға дайын екендігін көрсетеді.
CNN телеарнасына Миддлбери халықаралық зерттеулер институтының Шығыс Азиядағы қару-жарақты таратпау бағдарламасының директоры Джеффри Льюис мәлімдегендей, Planet Labs спутниктік суреттері зымыран қозғалтқыштарын сынауға арналған алаң ауданында үлкен контейнердің болуын көрсетеді.
Оның айтуынша, бұл нысан полигонда бейсенбіге дейін байқалмады.
Суретте белгісіз контейнердің болуы Пхеньян Сохэ қозғалтқыштарын сынауды қайта бастауға көшетінін айтады, деді Льюис CNN. Сынақ Пхеньян Вашингтонға денуклеаризация жөніндегі келіссөздерді тұйықтан шығару үшін осы жылдың соңына дейін екі ел арасындағы қарым-қатынас бойынша жаңа қолайлы ұсыныстар беру туралы өз талаптарын белсендірген кезде өтті.
Бақылаушылардың пікірінше, Пхеньян ядролық және құрлықаралық баллистикалық зымырандарды сынауға мораторийдің өзі енгізген күшін жоя алады, егер АҚШ бұл ұсыныстарды көшбасшы Ким Чен Ын белгілеген мерзімде ұсынбаса.
