Әлем Мюллер Трамп пен Ресейдің арасында келісім болғанын дәлелдей алмады
АҚШ-тың бас прокуроры Уильям Баррдың айтуынша, арнайы прокурор Роберт Мюллердің тергеуі Дональд Трамп пен Ресейдің арасында қарым-қатынас болды дегенді растай алмады
Бас прокурор АҚШ Конгресіне хат жазып, 2016 жылы болған сайлауда Трамп пен оның жақтастарының Ресеймен қандай да бір байланысы болғаны жайлы күмәннің деректермен дәлелденбегенін алға тартып, ауызжаласу болмады деп тұжырымдады.
- Тергеу еш нәтиже бере алмады, - дейді Барр.
Мюллер сайлауалды науқанын екі жылдай тергеді. Мюллер Трамп пен Ресейдің арасында ауызжаластық болғанын дәлелдеуге тырыстады. Алайда оны дәлелдей алмады. Бірнеше адамға айып тағылды. Бірақ оның ауызжаластыққа мүлдем қатысы жоқ.