Әлем Жапония Ресеймен бейбіт келісімге келмек ниетте
Жапония премьер-министрі Синдзо Абэ Азияның тұтастай Солтүстік-Шығыс елдерінің игілігі үшін Ресеймен бейбіт шарт жасасу қажеттігі туралы тағы да мәлімдеді
- Жапония мен Ресей арасындағы бейбітшілік келісімінің арқасында Солтүстік-Шығыс Азия бейбітшілік пен гүлдену, іргетасының одан әрі нығая түсуіне мүмкіндік алады, - деді Абэ БҰҰ Бас Ассамблеясында.
Жапония премьер-министрі Ресей президенті Владимир Путинмен 22 кездесу өткізді. Таяу уақытта тағы бір кездесу күтілуде. Әрбір кездесуде Ресей мен Жапония арасындағы бейбітшілік туралы әңгіме қозғалады. Синдзо Абэнің айтуынша, екі жақ та 70 жыл бұрынғы тарихи мәселені артқа тастауға күш салуда.
Владимир Путин Шығыс экономикалық форумы барысында Жапония премьер-министрін аймақтық қайшылықтарды шешпестен, бейбіт келісімге қол қоюға шақырды.
