Әлем Нидерланды Мұхаммед пайғамбарға арналған карикатура байқауын тоқтатып тастады
Мұсылмандардың жаппай наразылық білдіруіне байланысты Нидерланды парламентариі Герт Вилдерс бейсенбі күні карикатура байқауының тоқтатылғанын хабарлады
- Діни қақтығыстар орын алмауы үшін карикатура байқауын өткізуден бас тарттық, - дейді Вилдерс.
Бұған дейін Вилдерс қараша айында Мұхаммед пайғамбарға арналған карикатура байқауының өтетіндігін хабарлаған болатын. Бас жүлдеге 8,5 мың еуро тігілген.
Ал Пәкістан мұсылмандары болса, аталған байқауды өткізуге қарсы акция ұйымдастырып, Нидерландыдағы Пәкістан елшісін елге қайтаруды талап еткен.
