Әлем АҚШ мемлекеттік департаменті Сирия бойынша астаналық келіссөзді сәтсіз дейді
АҚШ Мемлекеттік департаментінің ресми өкілі Хезер Науэрт Шығыс Гутадағы жағдайға сүйеніп, астаналық үрдістің құлдырағанын мәлімдеді
- Ресей мен Иран деэскалация аймағын құрды. Мұндай аймақтардың біріне Шығыс Гута кіреді. Олар бұл жердегі адамдарды аштықта ұстап, гумманитарлы көмек жеткізуге кедергі келтірді. Біз бейбіт азаматтардың өлгенін, бомбалар жарылғанын, қираған нысандарды көрдік. Бұл деэскалация аймағы емес. Олар бұл жерге қайтып келіп, тағы бір мәрте тырысуы мүмкін. Бірақ олардың Женева үрдісіне қайтып оралғаны дұрыс. Бұл деэскалация аймағының сәтсіздігіне куәміз, - дейді Хизер Нойерт.
Дегенмен департамент өкілі Сирияның оңтүстік-батысындағы деэскалация аймағын тамаша үлгі деп, елдің қалған бөлігіне де соны қолдану керек екенін айтты. Бірақ бұл аймақты құрғандардың тізіміндегі Ресейді атамады.
- Біз Иорданияда өзіміздің деэскалация аймағымызды бақылаудамыз. Бұл аймақ жұмыс істеп тұр. Мұны АҚШ, Иордания және өзге елдер бірлесіп құрған, - дейді ол.