8 қаңтарға арналған әлемдік жаңалықтар легі

«Элеонора» дауылы алты адамның өмірін қиды

Франциядағы табиғи апаттан қаза тапқандардың саны алты адамға жетті, деп хабарлайды РИА Новости. Бұған дейін 5 қаза тапқан және 25 зардап шеккен адамдар туралы хабарланған.

Басылымның хабарлауынша, 80 жастағы ер адам бейсенбіден бері іс-түссіз жоғалғандар санатында болған. Жексенбі күні оның денесі елдің шығысындағы Сона және Луара департаментіндегі өзеннен табылды. Осылайша ер адам қаза тапқандардың қатарына кірді.

Францияда орын алған «Элеанор» дауылы тасқын шақырып, Сенадағы су деңгейі үш метрге өскен. Осыған байланысты Парижде метеорологиялық қауіптің сары деңгейі бекітілді. Билік дауылдан келген шығынды 200 миллион еуроға бағалады.

 

Иран мектептерінде ағылшын тіліне тыйым салынды

Елдің жоғарғы жетекшісі аятолла Али Хеменеидің айтуынша, бұл тілді ерте меңгеру батыстың «мәдени басып кіруіне» жол ашты, деп хабарлайды Reuters.

Иранның мемлекеттік жоғарғы білім кеңесінің басшысы Мехди Навид-Адхам айтып өткендей, «мемлекеттік және мемлекеттік емес бастауыш мектептерде ағылшын тілін меңгеру заң мен ережеге қайшы»

Естеріңізге саламыз, жаңа жыл қарсаңында Иранда үкіметке қарсы акциялар басталған. Шеруге қатысқандар елдің ауыр экономикалық жағдайы мен билікке қарсы шыққан. Соңғы деректер бойынша, қақтығыс барысында 20-дан астам адам қаза тапқан.

 

АҚШ пен Франция президенттері Корей түбегіндегі жағдайларды талқылады

Дональд Трамп пен Эммануэль Макрон телефон арқылы келіссөз жүргізді. Олар Ирандағы және КХДР айналасындағы жағдайларды талқылады, деп хабарлайды life.ru.

- Президенттер елдің байлығын терроризмді қаржыландыруға жұмсаған Иран билігі өз халқының сұранысын қанағаттандыра алмады деген пікірмен келісті, - дейді хабарландыруда.

Баспасөз қызметі мәлімдегендей, Трамп «Корей түбегіндегі жағдайлар туралы тың деректер ұсынып, Солтүстік Кореяны толық денуклеаризациялауға қол жету үшін АҚШ, Оңтүстік Корея негізді шешімге келіп отырғанын» айтты.

Франция президентіні баспасөз хатшысы телефонмен болған әңгімен ресми түрде жариялаған жоқ.

 

Қытайлық кафедегі қуырылған балық келушілерді шошытты

Ақтарылған және қуырылыған балық клиенттердің біріне ұсынылғанда қозғала бастаған. Желіде пайда болған бейне ұжымдық отырыстардың бірінде түсірілген. Бұл туралы Zakon.kz хабарлайды.

Бейненің өзі қолданушылардың арасында кең талқыға түсті. Біреулердің айтуынша балықтың толық тазаланбаған, енді біреулер оның дұрыс қуырылмағандығын айтады.

Балықтың миы мен жүрегі өлсе де, оның бұлшық етіндегі жасушылар кейбір сыртқы ықпалға әсер ете алады.