Әлем БҰҰ дабыл қағуда: Әлемде 250 миллион мигрант босып жүр
БҰҰ соңғы деректері бойынша, бүкіл әлемде 250 миллион мигрант пен 22 миллион босқын тентіреп жүр. Адамзат баласы бұрын соңды мұндай миграцияны бақылап көрмеген
Бұл туралы БҰҰ Ресейдегі босқындар бойынша жоғарғы коммисариат басқармасының өкілі Владимир Цюрко мәлімдеді.
- Мигранттардың жалпы саны 250 миллион адамды құрайды. Олардың басым бөлігі өз еріктерімен, жұмыс табу үшін қозғалуда. Миграцияның мұндай ауқымы бұрын соңды болмаған. Бұл көрсеткіш бүгінгі күнге дейін өсіп келеді, - дейді В. Цюрко.
Оның айтуынша, БҰҰ назарында 66 миллион адам тұр. Олардың қатарында 22,5 млн адам босқында жүр, ал 33 млн адам тұрақтайтын жер таба алмай босып көшуде. Ауыр жағдай Сирияда қалыптасқан. 5 млн адам босып жүрсе, 600 мың адам ел ішінде көшіп жүр.
- 91,5 пайыз Сирия, Ирак, Ливия, Йемен азаматтары және 83,8 пайыз Ауғаныстан азаматтары, - дейді ол.
