Әлем Қытай халқы 1,4 млрд адамға жетті
Қытай халқы әлі де өсуде. Қытайдың қоғамдық қызметті қамтамасыз ету министрлігі қазіргі уақытта қытай халқының саны 1 млрд 399 млн адамға жеткенін хабарлады
2015 жылдан 2016 жылға дейін Қытайдағы халық саны 8 миллионға өсіп, 1 млдр 382 млн 271 мың адамға жеткен болатын. Ал бір жылдың ішінде халық саны тағы да 17 млн адамға өскен.
Ал 16 жастан 60 жасқа дейінгі, жұмысқа қабілетті адамдардың жалпы саны 907,47 миллионды немесе 65,6 пайызды құрап отыр. Қытай халқы «қартаюда». Қазіргі уақытта 60 жастан асқан 230 млн тұрғын бар. Бұл бүкіл халықтың 16,7 пайызын құрайды.
Алдын ала болжамға қарағанда, 2020 жылға дейін Қытай халқы 1 млрд 420 млн адамға жетпек.