Әлем Қытай және АҚШ опиоидтарды таратуға қарсы күрес жүргізеді
Бұл туралы жұма күні өткен тұрақты баспасөз конференция барысында ҚХР СІМ ресми өкілі Хуа Чуньин мәлімдеді.
- Американдық тарап бұл сұрақтарға үлкен мән бергендіктен, АҚШ президенті Дональд Трамптың ҚХР-ға сапары барысында мәселе талқыланды, - дейді ол журналистердің сұрақтарына жауап бере отырып. - Тыйым салынған психотроптық заттардың таралуына жол бермеу үшін, Пекин мен Вашингтон есірткімен күрес аясындағы құқыққорғау органдарының деңгейінде серіктестікке келе алады. Қытай бұл дәрілерді қатаң бақылауға алып, Құрама Штаттармен дерек алмасу үрдісін жүргізеді.
Бұған дейін АҚШ президенті Дональд Трамп денсаулық сақтау саласындағы опиоидтармен орын алған жаппай өлімдер мәселесін көтеріп, қара нарықтағы бұл есірткілердің таралымымен күреске кешенді шаралар қабылдайтынын мәлімдеген.
