Әлем Өзбекстан Нью-Йорктегі лаңкестік жағдайға қатысты тергеу амалдарына көмектесуге дайын
Өзбекстан үкіметі Нью-Йорк қаласында болған лаңкестік оқиғаға байланысты қол ұшын беруге әзір. Мұны Өзбекстан президенті Шевкат Мирзиеев айтып отыр.
Сейсенбі күні Нью-Йорктің Манхэттан атты ауданында жүк көлігін басқарған белгісіз біреулер велосипедшілер жүретін жолға шығып кетіп, бірнеше адамды мертіктірген болатын. Лаңкестер көліктен түсіп травматикалық қарумен тұрғындарға оқ жаудырған. Сегіз адам көз жұмып, ондаған адам ауруханаға түсті. Қарақшылардың бірі жараланды.
Кейін белгілі болғандай, қарақшылардың ішінде 29 жастағы Өзбекстан азаматы болған.
Өзбекстан президенті Д.Трампқа көңіл айтып, оқиғаның мән-жайын анықтауға көмектесуге дайын екендігін жеткізді.
- Лаңкестермен халықаралық дәрежеде күресу қажет. Бұл террористік актіге қатысты тергеу амалдарын жүргізуге өзбекстандық тарап әрқашан қолдау танытуға дайын, - деп хабарлады Өзбекстан президенті Ішкі саясат басқармасы сайтында.
