Каталониядағы референдум: полиция сайлау жәшіктерін алып тастап жатыр

Испания полицейлері кейбір сайлау учаскелеріндегі жәшіктерді орнынан алып кетіп, дауыс беру парақшаларын да тартып алған. Елде Каталония тәуелсіздігіне қатысты референдум өтіп жатыр.

Құқық қорғау органдары Жирондағы сайлау учаскесін қарауылға алған. Өйткені мұнда каталония басшысы Карлес Пучдемон келіп дауыс беруі керек болатын. Дегенмен, басшы дауыс беріп үлгерген көрінеді.

Айта кетейік, Каталония 1 қазан күні тәуелсіздік жариялау жөнінде референдум өткізуы тиіс болатын. Алайда Испания Парламенті бұған қарсы болып отыр.