Әлем Швециядан 106 жастағы ауған азаматы депортацияланбақ
Швеция билігі 106 жастағы Ауғанстан елінің босқын азаматшасы Бибіхал Өзбекиге саяси пана беруден бас тартып, еліне қайтаруға шешім шығарған
Скандинавия еліне қария 2015 жылы өзге босқындармен бірге ауып келген. Швецияға қоныс аудару барысында жасы жүзден асқан қария шөл мен ну ормандарды басып өтіп, батыстағы елге жеткен. Екі жыл бойы Хова шағын ауылында өмір сүрген.
Саяси пана бермеу туралы хат отбасыға Рамазан айында келген. Туған-туыстары қарияны қайғыға салмау үшін ұзақ уақыт бойы жат хабарда жеткізбей жүрген. Ал шешім жөнінде айтылған кезде, қарттың денсаулығы күрт нашарлай бастаған.
Швецияның көші-қон қызметі шешімнің қабылдануына қарияның жасы еш себеп емес екендігін жеткізді. Ал ауған жанұясы миграциялық қызметтің шешіміне қарсы арызданатындығын айтты.
