Әлем Британдық пранкер Ақ үйдің киберқорғанысын айналып өтті
Британдық пранкер АҚШ президентінің контртерроризм бойынша кеңесшісі Том Боссертті, байланыс бойынша директоры Энтони Скарамуччиді және Ресейдегі АҚШ жаңа елшісі Джон Хантсманды қалжыңға алды
Пранкер Боссертпен Дональд Трамптың күйеу баласы Джаред Кушнердің атынан сөйлескен. Ол оны кешке шақырып еді, Боссерт келісіп, алаяққа жеке поштасын бере салған.
Скарамуччи Ақ үй апаратының экс басшысы Рейнс Прибуспен қайшылықта болғандықтан пранкер екеуін шағыстырған.
Пранкер Хантсманмен президенттің ұлы Эрик Трамптың атынан сөйлескен. Ал Эрикпен бауыры Дональдтың атынан сөйлескен.
Алайда президенттің ұлы пранкерді әшкерелеген жалғыз адам болып шықты. Жауапты хатында электронды жазбаны құқыққорғау органдарына беретінін айтқан.
Fox телеарнасы хабарлағандай, американдық президент әкімшілігінде бірнеше адамның пранк құрбаны болғанын мойындаған. Баспасөз хатшысы Сара Сандерстің айтуынша, Ақ үй киберқауіпсіздік сұрағына өте тиянақты қарайды.