Тәжікстан президенті исламды жүрекпен қабылдауды уағыз етті

Эмомали Рахмон исламның мәні хиджап киіп, сақал өсіру емес екендігін, сенімді жүрекпен қабылдап, жанмен қабылдау керектігін айтты

Тәжікстан президенті діннің сыртқы белгілерін ғана қасаң ұстануды доғару керектігін жеткізді. Халық салт-дәстүрін ұстануды реттеу заңының қабылданғанына 10 жыл толуына байланысты тәжік елінің басшысы ұлттық әдет-ғұрыпты сақтау керектігін ескертті.

Президенттің ойынша, соңғы жылдары Орта Азия мәдениетіне жат діни формаларды уағыздау жиілеп кеткен.

- Біздің кейбір қарындастарымыз бен бауырларымыз дінді тек киім киюмен, сақал қоюмен ғана өлшейді. Қап-қара киініп, қапталдай сақал өсіріп жүреді. Жаратушы сенің киімің мен сақалыңа қарап сауап бермейді, ішкі жан дүниеңнің тазалығы мен құлшылығына қарап назар аударады, - деді Эмомали Рахмон.

Тәжік басшысы шенеуніктерді аталмыш дәстүрге жат ағыммен күресуді тапсырды.

Тақырыптар: Президент Таджикистана Эмомали Рахмон Борьба с радикальным исламизмом в мире