Әлем Грузия НАТО-ға мүше болуға бел буды
Грузия Солтүстікатлантикалық альянсқа мүше болуға ниетті екендігін бекітті. Бұл туралы бүгін елдің премьер-министрі Георгий Квирикашвили мәлімдеді
Оның айтуынша, Грузия мен НАТО-ның серіктестігі соңғы жылдары жоғары деңгейге жеткен.
- Грузия НАТО-ға мүше болуға түпкілікті шешім қабылдады. Біз альянсқа бірігу үрдісін, осы бағыттағы реформаларды жалғастыра бермекпіз, - деді ол.
НАТО ПА-ның сессиясы 26 мамыр күні Тбилисиде басталып, бүгін аяқталды. Сессия жұмыстарына НАТО-ға мүше 28 елден 600-ден астам делегаттар мен альянсқа серіктес 20 елдің өкілдері, НАТО бас хатшысының орынбасары Роуз Готтемюллер, НАТО ПА төрағасы Паоло Алли, ұйымның бас хатшысы Дэвид Хоббс және тағы басқа тұлғалар қатысуда.
Следующая →
