Әлем Литва Ресеймен шекарада дуал тұрғызбақ
Литва билігі Ресеймен шектескен 45 км шекарасына шеп орнатпақ
Құрылыс 1,3 млн еуроға бағаланған деп хабарлайды Литва мемлекеттік шекара күзеті қызметі.
Ведомстваның ақпараты бойынша, мердігерлермен келісімшартқа қол қойылып үлгерген. Жұмыс осы аптада басталып, 2017 жылдың желтоқсан айында аяқталу жоспарлаған.
- Қажетті қаражат мемлекеттік бюджеттен бөлінеді, - делінген ведомства хабарламасында.
РФ Калининград облысымен шектес аймақ шекарасында екі метрлік шепке қосымша электронды бақылау орнатылған.
- Шеп Литваның Польша, Ресеймен шектескен Виштитис көлі бойында, Шакяйск, Вилкавишск ауданынан Немана ауданына дейін тартылмақ, - делінген Литва шекара ведомствасында.
