Лондоннан Brexit үшін 100 млрд ақщаны талап ете бастады – БАҚ

Еуропалық одақ Ұлыбританияның Brexit үшін төлем талаптарын 100 млрд еуроға дейін көтерді. Бұл туралы Financial Times Франция мен Германия басшылығымен ЕО елдері тобының жаңа талаптарына жасалған сараптама қорытындысы бойынша жазып отыр. Дәл осы елдердің қысымымен Брюссель алдыңғы есептерді қайта қарап, Британиядан талап етілетін сома 82 млрд-тан 109 млрд-қа өсірген. Естеріңізге саламыз, осыған дейін әңгіме аясы 50 млрд фунт немесе 60 млрд еуро көлемінде болған. Өз кезегінде Brexit бойынша британдық келіссөз тобының жетекшісі Дэвид Дэвис ITV арнасынан сәрсенбі күні Ұлыбритания үкіметінің 100 млрд еуро төлемейтінін айтқан. Атап өту керек, Брюссельдің жаңа қаржылық талаптары көптеген еуропа елдерінің Ұлыбританияға қатысты ұстанымдарының қатая түскенін көрсетеді: егер осыған дейін оларды саяси тәуекелділік қорқынышы ұстап келсе, енді Brexit -тен кейін ЕО бюджетінде қалыптасатын ұңғыманы толтыруды көздей отырып, ұялмастан құн үстіне құн қосуда.