Трамп Ким Чен Ынмен кездесуге дайын

АҚШ президенті Дональд трамп Солтүстік Корея жетекшісі Ким Чен Ынмен кездесу ықтималдылығы туралы баяндады. Бұл туралы ол Bloomberg агенттігіне берген сұхбатында мәлімдеді.

Қолайлы жағдайда орын алатын болса, бұған барынша дайын болар едім, тіпті мұны абырой санар едім. Қайталап айтамын, егер бұл қолайлы жағдайда орын алатын болса. Мен мұны істер едім, - дейді Трамп.

Американдық жетекші «көптеген саясаткерлердің мұндайды айта қоймайтынын» айтып өтіп, Ким Чен Ын екеуінде «ыстық жаңалықтардың» бар екенін айтты.

Кейін Ақ үйдің ресми өкілі Шон Спайсер мұндай кездесуге қолайлы жағдайдың жоқ екенін айтқан. Оның айтуынша, «егер Пхеньян өз әрекетін жалғастыра берсе, мұндай жағдай тумайды да».
Спайсердің айтуынша Трамп «КХДР-дан туатын қауіпті түсінеді, және оның алдын алу үшін барын салады».