Владимир Путин ақпан айының аяғында Қазақстанға келмек

РФ президенті 27-28 ақпан күндері Қазақстан, Тәжікстан мен Қырғызстанға блиц-сапар жасамақ

Президенттің сапарының алдында оның көмекшісі Юрий Ушаков тілшілерге Путиннің жұмыс жоспары мен келісім жүргізу тәртібін мәлімдеді.

- Бұл сапар осы үш елдің де Ресеймен дипломатиялық қарым-қатынас орнатқанына 25 жыл толуына орайластырылып отыр, - деді Ушаков.

Оның айтуынша, дүйсенбі күні РФ және Қазақстан басшылары Алматыда кездеседі. Кездесуге қатысушылар саны шектеулі және аз ғана уақытқа жоспарланған.