Әлем Жапония Куриль аралдарына атау қойылатынына қарсы
Жапония министрлер кабинетінің бас хатшысы Ёсихидэ Суга Куриль аралдарына атау беруіне қатысты Ресейге қарсылық білдірді
Жапония бес Куриль аралына атау бергені үшін Ресейге қарсылықтарын білдірді. Бұл туралы Жапония министрлер кабинетінің бас хатшысы Ёсихидэ Суга баспасөз конференциясында жариялады.
- Бұл Жапонияның ұстанымдарына қайшы. 13 ақпан күні біз РФ-ға дипломаниялық жолдар арқылы өз наразылығымызды білдірдік, - деді ол.
Аралдардың атауы РФ премьер-министрі Дмитрий Медведевтің тапсырмасы бойынша алмасты. Екі арал КСРО Жоғарғы кеңесінің өкілі, сыртқы істер министрі Андрей Громыко мен Сахалинск облысының бұрынғы губернаторы Игорь Фархутдиновтың есімімен аталды. Тағы екі аралға әскери қызметкерлер, генералдар Кузьмы Деревянко мен Алексей Гнечко есімі берілді. Бесінші арал Анна Щетининаның атымен аталды. Ол әлемдегі бірінші алысқа жүзген капитан әйел.