Еуропа елдерінің СІМ басшылары РФ-на қарсы санкция бойынша ұстанымдарын білдірді

Ұлыбритания Сыртқы істер министрі Борис Джонсон Ресейге қарсы еуропалық санкцияларды бәсеңдетуге қарсы шықты. Бұл туралы жуықта Брюссельде өткен ЕО сыртқы істер бойынша Кеңесінде айтты.

- Ұлыбритания санкцияны бәсеңдетуге себеп жоқ деген пікірінен айнымайды. Ресейге қысымды үдете түсу керек, - деді Ұлыбритания СІМ.

Дәл осындай пікірді Литва СІМ Линас Линкявичус та білдірді.

- Жоқ дегенде санкцияларды сақтап қалу керек, себебі оны алудың себептерін көріп тұрған жоқпыз, - деді Линкявичус.

Өз кезегінде Испания Сыртқы істері және ынтымақтастық министрі Альфонсо Дастис Кеседо да Ресейге қатысты санкцияларды сақтау керек деген ұстанымда.

- Минск келісімін толық енгізуге қол жеткізу керек. Тек осындай жағдайда ғана санкция саясатын қайта қарауға болады, - деді СІМ басшысы Брюссельдегі журналистерге.