Әлем Трамп Ресеймен қатынасты инаугурациядан кейін шешпек
АҚШ-тың жаңадан сайланған президенті Дональд Трамптың жаңа әкімшілігі РФ тағылып отырға кибершабуылға қатысты шаралар қолдана ма жоқ па, инаугурациядан кейін белгілі болады
Бұл туралы Трамптың көмекшісі Келлинн Конуэй хабарлады.
- Инаугурациясы шамамен екі аптадан кейін болатын АҚШ-тың жаңа президентіне осы тұрғыдағы шешімді оның қорғаныс және барлау командасымен бірге шешу керек болады, - деді Келлинн Конуэй NBC телекомпаниясына берген сұхбатында.
Оның көмекшісінің сөзіне қарағанда Трамп Ресей елімен «Ислам мемлекеті» (ҚР тыйым салынған) ұйымымен күресу үшін серіктес болуға дайын.
Конуэй Трамп «әлі президент емес» екендігін атап өтті.
- Ол президент болып тағайындалғаннан кейін, яғни, 20 қаңтардан соң ол өзінің қауіпсіздік және барлау командасымен кездесіп, президент ретінде қажетті шешімдерді қабылдайды, - деді көмекшісі.
