Трамп Мексика президентімен кездеседі

- Мексика президенті Энрике Пенья Ньето шақыруын қабылдадым және ертеңгі кездесуді тағатсыз күтемін,- деп жазады Трамп.

Мексика президенті баспасөз қызметінің твиттерден, кездесуге шақыру Трампқа және оның демократтардан шыққан қарсыласы Хилари Клинтонға да бағытталғанын айтады.

 – Соңғы күндері (Мексика) президенті АҚШ президенттігіне үміткерлердің екеуіне де Мексика мен АҚШ-тың екіжақты арақатынасына байланысты әңгіме дүкен құруға шақырған, - дейді хабарламада. Трамп осыған дейін Мексика арасындағы шекараға қабырға орнатып, заңсыз миграцияның алдын-алып, шекарадан өткендерге қаржы төлетпек ниетін білдірген болатын. Мексика президенті қабырға құрылысына қаржылай мүмкіндгі жоқтығын айтқан.