Әлем Германия соты Эрдоганды «қорқақ ақымақ» деп шешті
Германия соты Түркия президентіне қатысты «қорқақ ақымақ» пен «рәзіңке бетперде киіп, қыздарды ұратын ер адам» сөзінен ешқандай заңсыздықты көріп отырмағандығын айтады
Түркия президенті неміс ұлттық телеарнасының тікелей эфирінде өзі жайлы сатиралық өлең оқыған комедия тележүргізушісі Яна Бемерманның үстінен арыз жазады деп хабарлайды – дни.ru сайты.
Оның құрамында жыныстық ұятсыз мағына беретін, жеке басқа қатысты мазақ сөздері бар мәтін болған. Сондай-ақ курд халықтары мен христиандардың қудалауына қатысты сөйлемдер де кездескен. Арызды юристік фирма арқылы берген көрінеді.
Бағдарламаның өлең оқылып жатқан бөлігі қиылып алынған, бірақ жазба желіде сақталған. Германия билігі резонанстық жағдайға өз бағаларын да беріп үлгерді:
Бұл саналы түрде қорлау болып табылады – деді канцлер Ангела Меркель.
Алайда неміс соты өлеңнің «қорқақ ақымақ» деген үзіндісінен ешқандай заңсыздықты көрген жоқ.
Соттағылардың пайымдауынша, бұл саяси сатираға жатады. Ал өлеңнің ұятсыз мәселелер қаралатын екінші бөлігі болса, заңсыз деп танылды.