Әлем Финляндия премьері уәдесін орындамады
Финляндияның премьер-министрі Юха Сипиля бұған дейін босқындарға беруге уәде берген Кемпеледе орналасқан жекежайын сатты
Фото:
yle.fi
Бейсенбі күнгі «Ilta-Sanomat» газетінің хабарлауынша, келесім 21 наурызда жасалып, құны 570 мың евроны құраған.
Ю. Сипил Yle хабар тарату порталында үйінің сатылғандығы туралы мәліметті растаған, бірақ бағасын айтудан бас тартқан.
Оның сөзінше, ол әйелімен бірге шағынырақ үй сатып алған.
2015 жылы қыркүйек айында Yle бағдарламасына берген сұхбатында премьер-министр босқындарға өз жекежайын бермек болған. Сондай-ақ, соғыстың зардабын шеккен босқындарға финляндиялық тұрғындардан есік ашып, көмектесулерін үндеген.
- Менің ойымша халық қозғалысы әлі ұлғаяды. Халық қамқорлық танытып, босқындарға көмек береді деп үміттенемін, - деді Ю. Сипиля.
Оның сол кездегі бастамасы бүкіл елге таралғанымен, еш босқын оның үйінен пана таппаған еді. Үкімет керісінше босқындардың келуін тоқтату шараларын қаталдандыра түскен.
