Әлем Пентагон: АҚШ КХДР тудыратын кез келген қауіпке «жаппай әскери жауап» береді
Американдық әскерилер КХДР тудыратын кез келген қауіпке әскери күшпен жауап беруге дайын екенін айтты, бұл туралы Пентагон басшысы Джеймс Мэттис мәлімдеді
АҚШ атына немесе шекарасына, тіпті, Гуамды қосқанда, одақтастарымызға туындайтын кез келген қауіп біздің тарапымыздан жаппай әскери жауапқа ұласады. Бұл әсерлі де, әрекетті жауап болады, - деді ол.
Дж. Мэттис АҚШ президенті Дональд Трамп Солтүстік Кореяға жүргізуге болатын әскери әрекеттерді қарап шыққанын мәлімдеді.
- Біздің қолымызды көптеген әскери нұсқалар бар, президент олардың әрқайсысымен танысып шығуды сұрады, - дейді АҚШ қорғаныс министрі. - Біз КХДР елін түбегейлі жобды көздемейміз, бірақ атап өткенімдей, мұндайды іске асыратын нұсқаларымыз жеткілікті.
Өткен жексенбі күні КХДР сутегі бомбасын сәтті сынақтан өткізгенін хабарлаған. Д. Трамп Пхеньянды қатаң сынға алып, АҚШ Ұлттық қауіпсіздік кеңесі отырысын өткізді.