АҚШ-тың Сирияға жасаған әуе соққысынан 16 тұрғын қайтыс болды

АҚШ коалициясының Дейр-эз-Зора шығыс аумағына жасаған үш әуе соққысынан кейін 16 адам қаза тауып, 40 адам зардап шекті. Зардап шегіп, қаза тапқандардың ішінде бейбіт тұрғындар, әйелдер мен балалар болды.

Соққылар Альбу Камаль қалаларына, Абу-Кемаль ауданындағы мұнай орындарына және Сирияның өзге террористік орындарына жасалды, деп хабарлады ирандық Farsnews агенттігі.

Түрлі жарақат алған азаматтар соққыдан кейін Альбу Камал ауруханасына жеткізілді.

Естеріңізге сала кетейік, 13 сәуір күні Сирияның химиялық қару қоймасына жасалған әуе соққысының салдарынан жүздеген адам қаза тапты.

Ракеталар «Ислам мемлекеті» террористік тобының қоймасындағы химиялық қаруларды жойды.