17 наурыз: Бүгін тарихта

Ақпарат Calend.ru сайтының материалдары бойынша дайындалған.

Бүгін әлемде: 

Әулие Патрик күні; 

Пурим. 

 Бұл күн тарихта: 

624 жылы Бадырдағы шайқас ретінде белгілі мұсылмандар мен құрайыштар арасындағы алғашқы ірі қақтығыс болды; 

1861 жылы Италия корольдігі жарияланды; 1

898 жылы классикаға айналған неаполитандық "O Sole Mio!" әні шықты; 

1959 жылы америкалық SSN-578 "Skate" сүңгуір қайығы мұз қабатын тесіп, Солтүстік полюсте қалқып шықты. 

Бұл күн Қазақстан тарихында: 

1990 жылы Алматыда корейлердің құрылтай съезі өтіп, Қазақстандағы корей мәдени орталықтарының республикалық қауымдастығы құрылды; 

1995 жылы Қазақстан Республикасының Орталық сайлау комиссиясы құрылды; 

2005 жылы Қазақстан президентінің жарлығымен "2005-2007 жылдарға арналған Қазақстан Республикасында ғарыш қызметін дамыту" мемлекеттік бағдарламасына сәйкес "Қазғарыш" Ұлттық компаниясы" АҚ құрылды; 

2003 жылы Қазақстанда макулатура жинаумен айналысатын компания ашылды. 

Бұл күні туғандар: 

1908 жылы орыс және кеңес прозашысы, киносценарист, журналист, әскери тілші Борис Полевой дүниеге келді. Социалистік еңбек ері. Халықаралық бейбітшілік сыйлығының лауреаты (1959); 

1928 жылы британдық театр және кино актрисасы, әнші Юнис Гейсон дүниеге келді. Ол Бондтың сүйіктісін сомдаған тұңғыш актриса; 

1938 жылы кеңес, британ және француз балетмейстері, балет әртісі Рудольф Нуриев дүниеге келді. XX ғасырдағы ең танымал бишілердің бірі. 

1921 жылы Дариға Тіналина өмірге келді. Қазақтан шыққан тұңғыш кәсіби кинорежиссер, КСРО кинематографиясының үздігі, Қазақстанның еңбек сіңірген өнер қайраткері; 

1931 жылы медицина ғылымдарының докторы, профессор, академик Бауэр Алтынбеков дүниеге келді; 

1938 жылы филология ғылымдарының докторы, профессор, академик, Қазақстан Республикасы білім беру ісінің үздігі Мырзатай Серғалиев өмірге келді.