Әлем WhatsApp қосымшасына жаңа функция қосылады
Енді пайдаланушылар дауыстық хабарламалар мен аудио файлдарды мессенджердің ішіндегі кез келген терезеде ойната алады
WhatsApp әзірлеушілері чаттардан тыс дауыстық хабарламаларды тыңдау мүмкіндігін жариялады, деп жазды Tengrinews.kz.
IOS смартфондарының иелері үшін жаңа мүмкіндік қосылды. Ол үшін қосымшаны 22.4.75 нұсқасына дейін жаңарту қажет.
Енді пайдаланушылар дауыстық хабарламаларды тыңдап отырғанда екінші адамға бір уақытта жауап бере алады.
Шағын ойнатқыш экранның жоғарғы жағына бекітіледі. Ол арқылы сіз хабарламаны тыңдауды тоқтата аласыз, жалғастыра аласыз немесе аяқтай аласыз.
Айта кету керек, 22.4.75 нұсқасында тағы бір жаңа функция қосылды — профиль суретін хабарландыруларда құлыпталған iPhone экранында көрсету.
