АҚШ-та алғаш рет науқасқа биомеханикалық жүрек орнатылды

Мэтью Мурдың жүрегі ауыратын, ол ота күтіп жүрген. Алайда жағдайы тез нашарлай бастап, дәрігерлер оған жасанды орган трансплантациялау туралы шешім жасайды. Aeson деп аталатын аппарат науқастың жағдайы нашарлап, тірі жүректі трансплантациялауға мүмкіндік болмаған жағдайда қолданылады, деп хабарлайды Tengrinews.kz  сайты  IFLScience басылымына сілтеме жасап.

Жасанды орган уақытша қойылады, ол науқас келесі операцияға дейін жағдайы жақсарғанша тұрады. 

39 жастағы Мэтью Мурдың отадан кейінгі жағдайы тұрақты деп бағаланды. Оны мамандар бақылап отыр.

Биомеханикалық жүрек сиыр жасушаларынан өсетін төрт биологиялық қақпақшадан тұрады. Ол сыртқы қуат көзінен қуат алады да, адамға төрт сағат еркін қозғалуға мүмкіндік береді.

Aeson ЕО-да бұрыннан қолданылады, бірақ АҚШ-та бұл процесс баяу жүріп жатыр.