Үндістанда ине мен шприцсіз-ақ салынатын вакцина жасайды

Үндістанда мұрын арқылы қабылдайтын COVID-2019-ға қарсы вакцина жасалмақ. Бұл жұмыстарды  Bharat Biotech биотехнологиялық компаниясы жүргізіп жатыр, деп жазады Новости РАА сайты. Бұл туралы компанияның меңгерушісі және басқарма төрағасы Кришна Элла мәлімдеді.

Сонымен қатар,  Covaxin деп аталатын вакцинасы да жасалып жатқандығы белгілі болды. Қазіргі таңда зерттеудің үшінші кезеңіне өткен, оған он мыңнан астам адам қатысады. Бірақ бір кемшілік бар.

-  Covaxin-ға қатысты Үндістан медицина зерттеу кеңесімен жұмыс жасап жатырмыз және сынаманың үшінші кезеңіне келдік. Бірақ бұл екі дозалық инъекциялық вакцина болғандықтан менің көңілімнен шықпай тұр. Егер 1,3 миллиард адамға екі дозалық вакцина салатын болсақ, оған  2,6 миллиард шприц пен ине қажет болады, - дейді  Кришна Элла.