Лондонда Борис Джонсонды коронавирус салдары туралы ескерткен дәрігер көз жұмды

Дәрігер өзінің Facebook әлеуметтік желісіндегі парақшасында әріптестерінің өз өмірлеріне қауіп төнсе де, үнемі ауруханада науқастармен жақын қарым-қатынаста жүретіндігін жазған болатын. Оларға дереу медициналық қорғаныс киімдері қажет екенін айтқан, деп жазады РОСБАЛТ сайты.

Абдул Мабуд Чоудхуридің жолдауынан кейін оны ауруханаға жатқызды, ал бірнеше аптадан кейін ол коронавирустан көз жұмды. Борис Джонсонның өзі де коронавирус жұқтырды деген күдікпен ауруханаға жатқызылған. Қазір Британияның премьер-министрі жалпы палатада жатыр, денсаулық жағдайы қалыпты деп бағалануда.